Maitasuna patuaren adarretan gorpuzten bada, ez du ezerk geldiarazten...

Mutilak Romeo du izena, eta Montescotarra da; neskak, Julieta, eta Capuletotarra da. Veronan aurkari diren bi familia handiren seme-alabak. Ezinezko maitasuna, hiriaren iritziz. Maitasun saihetsezin eta zintzo horrek literatura unibertsalaren maitale ospetsuenak bihurtuko ditu.

Romeo y Julieta el musical-ek, William Shakespeareren jatorrizko obran oinarrituak, elementu ugari aurkezten dizkigu: baldintzarik gabeko maitasun debekatuaren odisea, adiskidetasunaren indarra, gorrotoaren sareak, mendekuaren zentzugabekeria eta istorio ospetsu eta mitiko baten tragedia.

Eszenografia handi eta dotorea, argiztapen delikatua, partitura zirraragarria, belusez, larruz, brodatuz, parpailaz, urrezko hariz eta zetaz egindako jantziak, koreografia efektistak eta eskrima-borroka bikainak, istorio handi honi erritmo bizia emateko.

Antzezleak: Giampaolo Picucci, Silvia Villaú, Antonio Ródenas, Santiago Cano, Amparo Saizar, Jaume Giró, Cristina Gallego, Guillo Rist, Javi Mota, Alejandro Pantani, Jesús Lara, Iris Castro, Claudia Zamora. Zuzendaritza: Silvia Villaú. Zuzendaritza musikala: César Belda. Musika: César Belda. Libretoa eta letrak: César Belda. Libretoaren egokitzapena: Silvia Villaú. Arma-maisua: Alberto Zerrada. Koreografiak: Silvia Villaú. Jantzien diseinua: Theatre Properties. Eszenografiaren diseinua: Tomás Padilla. Argiztapenaren diseinua: Tomás Padilla.